Özbəkistanın xarici işlər naziri Bəxtiyar Saidov Macarıstanın bu ölkədə səfərdə olan xarici işlər və ticarət naziri Peter Siyarto ilə görüşüb.
Modern.az "Kun.uz"a istinadən xəbər verir ki, görüş zamanı ikitərəfli və çoxtərəfli əməkdaşlıq məsələləri və bir çox sahələrdə əlaqələrin daha da intensivləşdirilməsi yolları müzakirə edilib.
“Biz Özbəkistan və Macarıstan arasında çoxşaxəli strateji tərəfdaşlığın artan gündəmini qeyd etməkdən məmnunuq.
Biz həmçinin bərpa olunan enerji mənbələrinin inkişafı üzrə Hökumətlərarası Əməkdaşlıq Memorandumu və nazirliklərimiz arasında 2024-2026-cı illər üçün Əməkdaşlıq Proqramı imzaladıq”, - deyə Bəxtiyar Səidov bildirib.
