İstanbulun “Qalatasaray” klubu Türkiyə kubokunun finalında “Bursaspor”u məğlub edərək bu mövsümdə ikinci kubokunu qazanıb. Modern.az-ın verdiyi xəbərə görə, Bursada keçirilən final oyununda “Qalatasaray” rəqibinə 3:2 hesabı ilə qalib gəlib. İstanbul klubunun hər 3 qolunu hücumçu Burak Yılmaz (40, 48 və 61-ci dəqiqələrdə) vurub.
Beləliklə, “Qalatasaray” 2014-2015-ci il mövsümündə həm Türkiyə çempionu olub, həm də ölkə kubokunu qazanıb.
Modern.az