Füzuli rayonunun 5-ci Zobcuq qəsəbəsində DİN-in əməkdaşları tərəfindən 1 ədəd partlamamış hərbi sursat (PQ-7M raket) aşkar edilərək Agentliyin əməliyyatçılarına təhvil verilib. PHS-nin daşınması mümkün olduğuna görə, Mərkəzi Məhvetmə (MM) ərazisinə daşınıb. Modern.az saytı xəbər verir ki, bu barədə Ərazilərinin Minalardan Təmizlənməsi üzrə Milli Agentlikdən (ANAMA) məlumat verilib.
Ümumilikdə Agentlik tərəfindən 7 Aprel – 10 dekabr 2016-cı il tarixlərində Zərdab, Tərtər, Ağcabədi, Ağdam, Xocavənd, Bərdə, Füzuli, Beyləqan, Goranboy, Tovuz, Qazax, Ağstafa, Samux, Göygöl, Şəmkir, Cəlilabad, Ucar, Astara, Salyan rayonlarında, Mingəçevir, Sumqayıt, Gəncə, Lənkəran və Bakı şəhərlərində 649 ev və həyətyanı sahə, 3 hərbi hissə, 2 kənd qəbiristanlığı, 5 kənd orta məktəbi, 2 tibb məntəqəsi, 1 metal anbarı, 30 ferma, əkin sahələri, 1 çaxır zavodu, 1 qoruq ərazisi, 1 çınqıl karxanası və 1 dəmiryolu stansiyası ərazisinə baxış keçirilib, 4 018 ədəd partlamamış hərbi sursat, 15 ədəd piyada əleyhinə mina (PMN), 3 ədəd piyada əleyhinə mina (POMZ-2), 2 ədəd piyada əleyhinə mina (OZM-72), 2 ədəd "siqnal minası" və 46 ədəd tank əleyhinə mina aşkar olunaraq zərərsizləşdirilib.
Modern.az
