Ağdamın “Qarabağ” klubu bolqarıstanlı futbolçusu Simeon Slavçevlə yollarını ayırıb.
Modern.az APA-nın məlumatına görə, 26 yaşlı yarımmüdafiəçi ilə müqaviləyə qarşılıqlı razılaşma əsasında xitam verilib.
O, qışda komandanı tərk edən ilk futbolçu olub. 2018-ci ilin yayında transfer olunan legioner ilyarım ağdamlıların uğurları üçün çalışıb.
Qeyd edək ki, S.Slavçev “Qarabağ”da 39 oyuna 2 qol vurub. O, çempionatda 18 (2 qol), avrokuboklarda 19, ölkə kubokunda 2 matça çıxıb.
