“Çeçenistandan olan 70 min könüllü Ukraynaya gedib Rusiya uğrunda döyüşməyə hazırdır, lakin hələ ki buna rəsmi qərar verilməyib”.
Modern.az TASS-a istinadən xəbər verir ki, bunu cümə günü jurnalistlərə Çeçenistan rəhbəri Ramzan Kadırov Qroznıda hüquq-mühafizə orqanlarının əməkdaşları ilə görüşdən sonra bildirib.
“Biz Ali Baş Komandanın (Putin-red.) qərarını tam dəstəklədiyimizi və istənilən əmri yerinə yetirəcəyimizi, buna hazır olduğumuzu bəyan edirik. Bizim dövlətimiz (Rusiya Federasiyası-red.) uğrunda könüllü döyüşməyə hazır olan 70 min insanımız var”, - Kadırov deyib
Çeçenistan rəhbəri qeyd edib ki, könüllülər Rusiyanın təhlükəsizliyini təmin etmək üçün istənilən ərazidə istənilən xüsusi əməliyyata getməyə hazırdırlar.
