Հայտարարվել է, որ ռուս-ուկրաինական պատերազմի դադարեցման շուրջ բանակցությունները կարող են վերսկսվել սեպտեմբերի վերջին։
Modern.az-ը հայտնում է, որ այս մասին The New York Times-ին տված հարցազրույցում հայտարարել է Ուկրաինայի նախագահի աշխատակազմի ղեկավար Կիրիլ Բուդանովը։
Նրա խոսքով, ԱՄՆ նախագահ Դոնալդ Թրամփի վարչակազմի միջնորդությամբ բանակցությունները կարող են կրկին օրակարգ մտնել Ռուսաստանում կայանալիք խորհրդարանական ընտրություններից հետո։ Բուդանովը հայտարարել է, որ հնարավոր նոր փուլը կարող է սկսվել սեպտեմբերի վերջին։
Ուկրաինացի պաշտոնյան բանակցությունների վերսկսման հնարավոր պատճառներից մեկը նշել է նաև Թրամփի ներկայացուցիչներ Սթիվ Ուիթքոֆի և Ջարեդ Քուշների այցը Կիև։
Այնուամենայնիվ, Բուդանովի կարծիքով, հրադադարի իրական պայմանները կձևավորվեն 2027 թվականի գարնանը։
«Բանակցությունները վաղ թե ուշ ինչ-որ բանի կհանգեցնեն։ Մարդը չի կարող ամբողջ կյանքում պատերազմել»,- ասել է Բուդանովը։
The New York Times-ի փոխանցմամբ՝ ռուսական կողմը նախորդ բանակցությունների փուլերից մեկից հետո ուկրաինական պատվիրակությանը առաջարկել է շարունակել երկխոսությունը Մոսկվայում։
