«Մոտ ապագայում կհրապարակվի տեղեկատվություն Հայաստանից Ադրբեջան ապրանքների մատակարարման մասին»։
Modern.az-ը հայտնում է, որ այս մասին Հայաստանի արտգործնախարար Արարատ Միրզոյանը հայտարարել է Հանրային հեռուստատեսությանը տված հարցազրույցում։
«Մոտ օրերս կիմանաք, որ ադրբեջանական ընկերությունները ապրանքներ են գնել հայկական ընկերություններից։ Հայաստանը ապրանքներ կվաճառի Ադրբեջանին։ Սա արդեն երկկողմ առևտուր կլինի»,- ասել է Միրզոյանը։
Նշենք, որ նա այս խոսքերն ասել է՝ ի պատասխան այն կարծիքների, թե ներկայումս միայն Երևանն է ապրանքներ գնում Բաքվից։
