TRT-nin baş direktoru İbrahim Şahin bildirib ki, “Eurovision” Mahnı Müsabiqəsində şərtlər dəyişilərsə, onlar yarışmada iştirak edə bilərlər.
Modern.az Türkiyə mətbuatına istinadən bildirir ki, TRT-nin baş direktoru İbrahim Şahin iyun ayında keçiriləcək “Eurovision” qrup toplantısında şərtlər dəyişərsə, sonrakı illərdə müsabiqəyə qatıla biləcəklərini açıqlayıb. Şahin müsabiqə nəticəsinin müəyyənləşdirilməsində elektron izləyici sisteminin təsirli olduğunu, ancaq şərtlərin dəyişdirilib tamaşaçı səsvermə payının 50%-ə salınmasını xatırladıb.
Səsvermə üçün 50 faizin münsiflər heyətinə verildiyini xatırladan baş direktor bunun haqsız rəqabətə yol açdığını irəli sürərək, builki “Eurovision” Mahnı Müsabiqəsində iştirak etməmək qərarını aldıqlarını qeyd edib.
Aytən
