Gürcüstanda kinoteatrlara gedənlərin sayı 2023-cü ildə 1,5 milyona yüksəlib.
Modern.az "News Georgia"ya istinadən xəbər verir ki, bu barədə Avropa Şurasının Avropa Audiovizual Observatoriyasının məlumatlarında qeyd olunub.
Bildirilib ki, 2022-ci illə müqayisədə artım 21,8% təşkil edib. Gürcüstan və Bosniya və Herseqovina siyahıda pandemiyadan əvvəlki iştirak səviyyəsini ötmüş yeganə ölkələr olub.
Bununla yanaşı, Gürcüstan üçün statistikada milli istehsalın payı cüzi olaraq qalır. 2023-cü ildə satılan biletlərin cəmi 3,7%-i gürcü filmləri üçün olub.
Müqayisə üçün qeyd edək ki, Türkiyədə milli film istehsalı kassa gəlirlərinin 46,3%-ni, Ukraynada isə 14,7%-ni təşkil edir.
