Dövlət Dil Komissiyası yanında Monitorinq Mərkəzinin dekabrın 4-də keçirdiyi “Saytlarımız monitorinq aynasında” adlı tədbirdə onlayn KİV-lər dil qüsurlarına görə ciddi tənqid olunub.
Modern.az xəbər verir ki, tədbirdə çıxış edən Monitorinq Mərkəzinin rəsmiləri, eləcə də Nəsimi adına Dilçilik İnstitutunun rəhbərliyi saytlarda yol verilən dil qüsurlarının kütləvi hal almasının ciddi narahatlıq doğurduğunu vurğulayıblar.
Dövlət Dil Komissiyası yanında Monitorinq Mərkəzinin direktoru professor Sevinc Əliyeva bildirib ki, dil qüsurları ilə bağlı ardıcıl xəbərdarlıqlara məhəl qoymayan və nöqsanları aradan qalıdrmayan onlayn KİV-lərə cərimə tətbiq edilməsi məsələsi gündəmə gətiriləcək.
