Azərbaycanda əsası 2015-ci ildə Prezident İlham Əliyev və Fransa prezidenti Fransua Olland tərəfindən qoyulan Fransa-Azərbaycan Universitetində (UFAZ) tədris uğurla həyata keçirilir.
UFAZ-ın tələbələrlə iş üzrə meneceri Qənirə Nəsibova Modern.az-a açıqlamasında universitetdə təhsil alan tələbə və müəllim heyəti barədə məlumat verib.
“Fransa-Azərbaycan Universitetində (UFAZ) hazırda 142 tələbə təhsil alır. Universitetdə fakultə yoxdur. Əsasən texniki fənlər üzrə 4 ixtisas tədris olunur: Kimya mühəndisliyi, kompüter elmləri, geofizika mühəndisliyi və neft kəşfiyyatının istismarının cihazqayırması.
Universitet Azərbaycan Dövlət Neft və Sənaye Universitetinin nəzdində yerləşir. UFAZ-da dərslər ingilis dilində aparılır. Azərbaycanlı müəllimlərlə yanaşı, fransız müəllimləri də işləyir. Hazırda Fransanın Strasburq şəhərindən olan 3 müəllim universtitedə dərs tədris edir”.
Namidə BİNGÖL
