Ukraynada 24 yaşlı gənc xanımın daxilin işlər nazirinin müavini təyin olunması ciddi etirazlara səbəb olub.
Modern.az Ukrayna KİV-nə istinadən xəbər verir ki, nazir səlahiyyətlərini icra edən Arsen Avakov bu etirazları əsassız adlandırıb. Onun fikrincə, 24 yaşlı Anastasiya Deeva təcrübəli kadrdır.
“Nazir müavini postu funksiyadır! Və anlamaq lazımdır ki, Daxili İşlər Nazirliyi kimi bir sıra mürəkkəb sistemlərdə 24 yaxud 30 yaşlı kadr təəssüf ki, 50 yaşlı təcrübə sahibindən üstün olur. Bu normaldı və nəticə verir”.
Avakov artıq gənc müavininə xarici ölkələrdəki təhlükəsizlik orqanları ilə əməkdaşlığı kurasiya etmək tapşırığı verib və Deevanın internetdə yayımlanan şəkillərini təxribat kimi dəyərləndirib.
Vüqar İSMAYILOV
