Bu gün Özbəkistan hökuməti yeni seçilmiş parlament qarşısında öz səlahiyyətlərinə son verib. Modern.az “Ria-novosti” agentliyinə istinadən xəbər verir ki, bu barədə Özbəkistan parlamentinin aşağı palatasının sədri Dilor Taşmuxamedova bildirib. “Baş nazir Şovkat Mirziyev Ali Məclisə (parlament) Nazirlər Kabinetinin istefası ərizəsini təqdim edib”,-deyə Taşmuxamedova bildirib. Onun sözlərinə görə, Ali Məclis istefa ərizəsini qəbul edib və Mirziyevdən yeni hökumətin tərkibi təsdiqlənənə qədər səlahiyyətlərinin icrasını davam etdirməyi xahiş edib.
