Azərbaycan Avtomobil Yolları Dövlət Agentliyi Bakı şəhəri, Yasamal rayonunda 7 küçənin əsaslı şəkildə təmirinə başlayıb.
AAYDA-dan Modern.az-a verilən məlumata görə, Yasamal rayonu Bəsti Bağırova və Məhəmməd Naxçıvani küçələrində, həmçinin kəsişən daha 5 küçənin əsaslı təmirinə olunur. Yenidənqurma işlərinin aparılacağı küçələrin uzunluğu 1777 metrdir.
Təmir-bərpa işlərinə Bəsti Bağırova küçəsində start verilib. Küçənin uzunluğu 450 metr, hərəkət hissəsinin eni ortalama 14.5 metr təşkil edir.
Rəsmi məlumata görə, küçələrin təmiri AAYDA tərəfindən BNA-nın pilot layihəsi əsasında aparılır.
İşlər çərçivəsində icra olunur:
- köhnə örtüyün üst qatının frezlənərək kənara daşınması;
- yararsız səki daşlarının sökülməsi;
- 1100 p/metr yeni səki daşının düzülməsi;
- yeni piyada səkilərinin tikintisi.
Yenidənqurma işləri çərçivəsində küçə üzrə təşkil olunacaq:
- 8390 kv.m sahədə piyada səkiləri;
- 6530 kv.m sahədə hərəkət hissə.
Küçə boyu nəzərdə tutulub:
- yağış-kanalizasiya sisteminin bərpa olunması;
- yeni yağış barmaqlıqlarının,
- kommunikasiya xətlərinə 78 yeni baxış qapağının qoyulması.
Yenidənqurma işlərinin son mərhələsində icra olunacaq:
- zəruri yol nişanları;
- üfiqi nişanlanma xətləri;
- piyada zolaqları;
- xüsusi parkinq yerləri.
Mərhələli şəkildə yenidən qurulacaq:
1. Məhəmməd Naxçıvani küç.(462m)
2. Giləzi küç.(110m)
3. Murtuza Muxtarov küç.(329m)
4. Cabbar Qaryağdıoğlu küç.(188m)
5. Mirzə Fətəli Axundov küç.(119)
6. Mustafa Sübhi küç.(119m)
Qeyd edək ki, AAYDA son 3 il ərzində Yasamal rayonunda 20 km-dən çox küçəni təmir edib.