Bakıda Nəsimi rayonunda yerləşən Dəmiryol Vağzalında yanğın baş verib.
"Azərbaycan Dəmir Yolları" QSC-nin mətbuat xidmətinin rəisi Nadir Əzməmmədov Trend-ə bildirib ki, yanğın vağzalın zirzəmisində baş verib. İlkin ehtimala görə, yanğına elektrik xətlərində baş verən qısa qapanma səbəb olub.
Hazırda yanğının söndürülməsi üçün hadisə yerinə Fövqəladə Hallar Nazirliyinin yanğınsöndürən briqadaları cəlb edilib. Yanğının qarşısı alınıb.
Modern.az