Avqustun 18-də Ədalət Partiyasının V qurultayı keçirilib. Modern.az-ın məlumatına görə, qurultayda İlyas İsmayılov növbəti dəfə “Ədalət”in sədri seçilib.
Qurultayda təşkilatı məsələlərlə yanaşı, partiyanın prezident seçkiləri ilə bağlı mövqeyinə də aydınlıq gətirilib. Belə ki, Ədalət Partiyasının sədri İlyas İsmayılovun prezidentliyə namizədliyi irəli sürülüb, onun səlahiyyətli nümayəndələri də təyin olunub və Seçki Qərargahı yaradılıb.