“Avriasiya İqtisadi İttifaqı haqqında müqavilə imzalanmağa tam hazırdır. Bu sənəd Rusiya, Belorus və Qazaxıstan hökümətinin birgə sıx işinin nəticəsidir”. Modern.az saytı xəbər verir ki, bu sözləri Rusiya prezidenti Vladimir Putin bu gün Astanada keçirilən Avrasiya İttifaqının iclası çərçivəsində 3 dövlət başçısının görüşü zamanı bəyan edib. Putin bildirib ki, ümumi konstruktiv əhval, hər bir tərəfin güzəştə getməsi sayəsində sənədi razılaşdırmaq mümkün olub.
Rusiya prezidenti müqaviləni “böyük epoxal hadisə” adlandırıb.
“Bu sənəd ölkələrimizi inteqrasiyanın tamamilə yeni səviyyəsinə çıxarır”-deyən Putin bildirib ki, bununla da 170 milyonluq regional bazar yaradılacaq. “Bu bazarda dünyanın qaz ehtiyatının beşdə bir hissəsi və neft ehtiyatının 15 faizi cəmləşəcək”.
Putin bildirib ki, Avrasiya İttifaqı şəffaf prinsiplər əsasında işləyəcək.
X. SƏFƏROĞLU
