İranın müdafiə nazirinin müavini, briqada generalı Nəsrulla Kələntəri Pekində keçirilən 6-cı Syanşan təhlükəsizlik forumunda terrorçuluqla mübarizə aparmaq üçün “Böyük Asiya koalisiyası” formalaşdırılmasını təklif edib. Modern.az-ın xarici mediaya istinadən verdiyi xəbərə görə, Kələntəri çıxışında qeyd edib ki, Asiya terrorçuların əsas hədəflərindən biridir.
“Terrorçuluq bizim zamanımızda qloblal fenomenə çevrilib və o, ilk növbədə Asiyaya yönəlib”, - müdafiə nazirinin müavini deyib. O həm də vurğulayıb ki, “Böyük Asiya koalisiyası”nın formalaşdırılması terror təhlükəsinin qarşısının alınması üçün ən vacib şərtlərdən biridir.
Kələntərinin fikrincə, ABŞ-ın rəhbərlik etdiyi koalisiyanın İraq və Suriyada fəaliyyəti hər şeydən öncə “tamaşaya” bənzəyir.
Modern.az