Böyük Britaniyaya məxsus “Halo Trust” beynəlxalq humanitar minatəmizləmə şirkətinin 3 əməkdaşı həlak olub.
Modern.az Ermənistan KİV-nə istinadən xəbər verir ki, hadisənin Azərbaycanın işğal altındakı keçmiş Ağdərə rayonu istiqamətində baş verdiyi bildirilir. Mina təmizləmə zamanı “Halo Trust” şirkətinin 3 əməkdaşı həlak olub, 2 əməkdaşı isə ağır xəsarət alıb.
Təşkilatın Xankəndində yerləşən ofisindən verilən məlumata görə, hazırda bütün əməkdaşlar hadisə yerinə gedib.
Ölən və xəsarət alanların adları və milliyəti dəqiqləşdirilir.
