Mən Xankəndi şəhər sakiniyəm və 35 ildir bu günlərin həsrətində idik. Allah bu günü bizə yaşadanlara – şəhidlərimizə rəhmət eləsin, qazilərimizə cansağlığı versin, Ali Baş Komandanımızı qorusun. Biz bu günləri həsrətlə gözləyirdik. Çox şükür ki, bu günləri gördük.
Modern.az xəbər verir ki, bu sözləri AZƏRTAC-a açıqlamasında 122 saylı Xankəndi seçki dairəsinin 14 saylı seçki məntəqəsində səs verən şəhər sakini Qəzənfər Əliyev deyib.
“Səsvermə çox yüksək səviyyədə təşkil olunub. Proses demokratik, azad, ədalətli şəkildə davam edir”, - deyə seçici diqqətə çatdırıb.