Orta məktəblərin 9-cu və 11-ci sinifləri üzrə buraxılış imtahanları davam edir. Təhsil Nazirliyinin Monitorinq və qiymətləndirmə şöbəsindən Modern.az saytına verilən məlumata görə, bu gün daha 9 rayonda buraxılış imtahanları keçirilir.
Ümumi orta təhsil səviyyəsi üzrə (9-cu sinif) buraxılış imtahanı ana dili və riyaziyyat, tam orta təhsil səviyyəsi üzrə (11-ci sinif) buraxılış imtahanları ana dili və ədəbiyyat, riyaziyyat, Azərbaycan tarixi, fizika, kimya, biologiya, coğrafiya və xarici dil fənlərindən keçirilir.
Bugünkü imtahanlar Ağdam, Ağstafa, Bərdə, Füzuli, Gədəbəy, Qazax, Şəmkir, Tovuz və Yevlax rayonlarında keçirilir.
Qeyd edək ki, bundan öncə iyunun 2-də Şirvan şəhəri, Ağcabədi, Hacıqabul, Kürdəmir, Saatlı, Sabirabad, Beyləqan, İmişli, Ucar, Zərdab, Laçın və Cəbrayıl rayonlarında;
iyunun 4-də Sumqayıt şəhəri, Abşeron, Quba, Qusar, Xaçmaz, Siyəzən, Şabran və Xızı rayonlarında;
iyunun 7-də Şamaxı, İsmayıllı, Qəbələ, Oğuz, Qax, Qobustan, Şəki, Zaqatala, Balakən, Lerik və Yardımlı rayonlarında;
iyunun 10-da Gəncə, Mingəçevir və Naftalan şəhərləri, Ağsu, Ağdaş, Göyçay, Samux, Daşkəsən, Goranboy, Göygöl, Xocavənd və Tərtər rayonlarında buraxılış imtahanlarl keçirilib.
Mərkəzləşdirilmiş qaydada test üsulu ilə keçirilən növbəti buraxılış imtahanları 16 iyun tarixində Astara, Biləsuvar, Cəlilabad, Lənkəran, Masallı, Salyan və Neftçala rayonlarında keçiriləcək.
Təhsil Nazirliyinin Monitorinq və qiymətləndirmə şöbəsindən Modern.az saytına verilən məlumata görə, indiyədək keçirilən buraxılış imtahanlarının cavabları iyunun 20-dən sonra açıqlanacaq.
Modern.az
