Bu gün Prezident İlham Əliyevin imzaladığı sərəncamla Elçin Babayev yenidən Bakı Dövlət Universitetinin (BDU) rektoru təyin edilib.
 

O, “Təhsil haqqında” Azərbaycan Respublikası Qanununun tətbiq edilməsi barədə” Azərbaycan Respublikası Prezidentinin 2009-cu il 5 sentyabr tarixli 156 nömrəli Fərmanının 2.13-cü bəndinə uyğun olaraq bu vəzifəyə gətirilib.

Bəs Elçin Babayevin yenidən təyin olunmasına niyə zərurət yaranıb?

Modern.az-ın məlumatına görə, rektorun yenidən təyin edilməsi dövlət başçısının 10 dekabr 2018-ci ildə imzalanan fərmandan irəli gəlir.
 

Belə ki, sözügedən fərmana əsasən, Azərbaycanda rektorlar 5 il müddətinə təyin edilir. Ölkəmizdə qanunvericiliyin geriyə qüvvəsi olmadığı üçün sözügedən qayda 2018-ci ilin dekabr ayından əvvəlki rektorlara aid edilmir. 

Qeyd edək ki, Bakı Dövlət Universitetinin rektoru Elçin Babayev 2019-cu ilin martın 11-də təyin edilib. Artıq onun təyin edilməsindən 5 ildən çox vaxt keçib və onun səlahiyyət müddəti bitmiş hesab edilir. Buna görə Elçin Babayev yenidən BDU rektoru vəzifəsinə təyin olunub.