“Real” bosh murabbiyi Joze Mourinyoning “Real Betis” bilan o‘yinda (1:2) Arda Gulerni ikkinchi bo‘limda maydondan chetlatishi futbol jamoatchiligida muhokamalarga sabab bo‘ldi.
Modern.az xabar berishicha, turkiyalik yarim himoyachi uchrashuvda “Real”ning eng faol futbolchilaridan biri bo‘lishiga qaramay, ikkinchi bo‘lim o‘rtalarida almashtirilgan. Uning o‘rniga Diamonde maydonga tushdi.
Ispaniyaning “AS” nashri yozishicha, Mourinyo bu qaror tashqaridan adolatsiz ko‘rinishi mumkinligini o‘zi ham tan olgan. Portugaliyalik murabbiy Gulerni almashtirishining asosiy sababini uning ikkinchi sariq kartochka olish ehtimoli bilan bog‘lagan.
Mourinyoning so‘zlariga ko‘ra, “Betis” futbolchilari ikkinchi bo‘lim boshida Gulerni qoidabuzarlikka undab, uni jazolashga urinishi mumkin bo‘lgan. Shu sababli murabbiy tavakkal qilmasdan futbolchini o‘yindan chiqarishni afzal ko‘rgan.
