Bugun FIFA Kengashi Byurosi yig'ilishi bo'lib o'tdi.
Modern.az AFFAga tayanib xabar berishicha, yig'ilishda Ozarbayjon va O'zbekiston birgalikda mezbonlik qiladigan FIFA U-20 jahon chempionatining sanasi rasman e'lon qilindi.
Musobaqa 2027-yil 17-sentabrdan 9-oktabrgacha tashkil etiladi. Jahon chempionati 24 jamoa ishtirokida bo'lib o'tadi.
Ta'kidlash joizki, turnirning rasmiy brendi 16-oktabrda taqdim etilgan. Yosh futbolchilarga va ularni qo'llab-quvvatlaydigan muxlislarga qaratilgan "Bu o'yin sen uchun" rasmiy shiori yangi avlod futbol yulduzlarini tarix yaratishga chorlaydi. Shuningdek, FIFA U-20 jahon chempionati 2027 ning rasmiy brendi Boku ramziy joylaridan biri Qiz Qal'asida, shuningdek, Boku Olimpiya Stadionida maxsus proyeksiyada namoyish etildi.
