Xabar berganimizdek, kecha Turkiya Superligasining IV tur doirasida “Fenerbahche” “Beshiktosh”ni qabul qildi va o‘yin mehmonlarning 2:1 hisobidagi g‘alabasi bilan yakunlandi.
Modern.az xabar berishicha, derbi vaqtida fojiali hodisa yuz bergan.
O‘yinning ikkinchi bo‘limida “Fenerbahche” muxlisi Yashar Gerchek tribunada infarkt o‘tkazgan. Unga darhol tibbiy yordam ko‘rsatilgan bo‘lsa-da, hayotini saqlab qolishning iloji bo‘lmagan.
Hodisadan so‘ng har ikki klub muxlisning vafoti munosabati bilan ta’ziya xabari e’lon qildi.
