22Dekabr | Ana Səhifə - Yazılar - Ölkədən çıxmaq NİYƏ?
Ölkədən çıxmaq NİYƏ?

Vəfa Allahverdiyeva


Zaman-zaman gördüklərimiz düşüncəmizə hopdurub ki, yekə bir adam vəzifəsindən çıxarılıbsa, ya ölkəni tərk edəcək, ya da hansısa Asiya, MDB ölkəsinə səfir göndəriləcək.

İstər problemlı Şərq mühitində, onun ən geri qalmış dövlətlərində olsun, istər Avropaya çox az oxşayan  keçmiş sovet məkanında-buralarda səfirlik etmək, istənilən sabiq məmur üçün  ideal variantdır; səhvləri olubsa əgər, bu, ən yaxşı əfvdir.  

Amma ölkəni tərk planı  qədər axmaq bir fikir ola bilməz...

Məmur, oliqarx  obrazında olmuş insan ölkəsini hansı halda tərk edər? 

Ya arxada elə bağışlanmaz qəbahətlər, bilinən-bilinməz cinayətlər  qoyub ki, qaçmaq istəyər. Halbuki ədalət mühakiməsindən qaçmaq mümkün deyil. “MTN” işinə aid böyük başlar qaça bildilərmi?  

Ya qeyri-qanuni elə həcmdə kapital toplayıb ki, o sərvəti xilas etmək, uzaqlara daşımaq qərarına düşər. Halbuki haramı gizlinlərə çəkib aparmaq qeyri-mümkündür. Kim çəkib apara bildi ki?!  

Ya da əlindən çıxan mövqeyi, aşağı düşən nüfuzu üçün incikdir, küsüb gedər. Halbuki dövlət işlərində küsmək kəlməsi, hərəkəti  olduqca gülünc və qüsurludur. Küsənlərin taleyi ortadadır.

Başqa sözlə, vəzifəsizlik dərdini öz çevrəsində, vətənində çəkmək ağırdır, kimsə ilə göz-gözə gəlmək istəməz. Hansı ki vəzifə əlimizin içindəki sonsuz tale xətti, əbədi şans  deyil.  Kreslo kimin ovucunda qalır ki?! 

Hətta bu da var ki, sən xarakter etibarilə o qədər təhlükəli birisən ki, sənin getməyin, ümumiyyətlə, hamı üçün arzuolunan və xeyirlisidir. Axı potensial xainlər, böyük koorrupsionerlər fəlakətdən başqa bir şey vəd etmir; Əsla islah olunmur.   

Fəqət bu nədənlərlə sərhədləri yer, göy nəqliyyatı ilə adlayıb, dörd tərəfə üz tutmaq asan ola bilər. Geri gəlməksə yox!

Rəsul Quliyev kimi.

Ayaz Mütəllibov kimi.

Bir fəlakət, dəhşətli bir kədər üçun bir gün qayıtmaq zorunda utanıb-qızaran, yalvaran  sən olarsan, çünki.

Çünki uzaqlar daimi mənzil deyil; Vətən anlayışı heç deyil.

Ölüm günü möhtac olacağın yer yalnız öz Vətənindir!..Qayıtmağa üzün olmalıdır!..     
  

İctimai rəy keçmiş vergilər naziri Fazil Məmmədovun bundan sonrakı yolunu bu iki istiqamətdə arayır və prezident sərəncamından bəri mövzu elə məhz budur.  

Mətbuat bir şeylər araşdırmağa çalışır; yazır. Bəlkə etibarlı mənbələrdən bilgilər var-bilmirik. Fikrimiz sırf Fazil Məmmədovu hədəfə alıb, müzakirə etmək də  deyil, çünki ortada getməyə və qalmağa dair bir sübut yoxdur, hələlik.  

Hədəfdə olmalı qüsurlu cəhət illərlə formalaşmış  stereotiplərdir, əslində. 

Niyə hər istefada, hər vəzifə itkisində aktuallaşır, qabarır. Niyə daşlaşır, nümunəyə çevrilir, kürsüdən düşənin ağlını oğurlayır, onun qarşısındakı ən yaxşı yollardan birinə çevrilir. Başqa yol yoxmuş kimi...    
  

Bildiyimiz bir şey var ki, vəzifə yoxdursa, şöhrət əldən çıxıbsa, özünü kinə, hikkəyə təslim edib, baş götürüb buralardan getmək lazımdır düşüncəsi siyasi mədəniyyətin çatışmazlığı,  ictimai əxlaq yetərsizliyi, şəxsiyyət natamamlığı, görəvə, məqama qeyri-sağlam münasibətlə bağlıdır.

Bu, gəzmək deyil, geri qayıdan günün bəlli olsun, səbrin olsun. Bu, ağır ictimai töhmət, ictimai qınaq altında  ömürlük özünü qürbətin soyuq üzünə, geridönüşü çətin bir  yola  həbs etdirmək, fərari damğasını kürəyinə almaqdır.

Bütün şüuraltı qərarlar sonradan peşmançılıq yaradır.

Misir Məmmədovla  Ziya Məmmədovun timsalında da alternativ bir nümunə var. Sübut etdilər ki, uduzmaq da olar, maddiyən itirmək də, ölkədə sona kimi qalmaq da.

Hətta o boyda vəzifələrdən sonra səsi-küyü olmayan elm ocağında, ev sükunətində ömrün davamını yaşamaq da  mümkündür.

Bəd ayaqda başı dinc, qulağı sakit, siravi vətəndaşsan. Keçmiş nazir Ziya Məmmədovun dediyi kimi...

Bundan yaxşısı nə ola bilər ki-mənəvi rahatlıq da, iqbal da Vətənin içindədir.      

Kim olursan, ol, bundan ideal əxlaqi düstur yoxdur: uduz, itir, barış və öz ölkənə buxovlanıb qalmağı bacar. Fazil Məmmədovun da götürməli olduğu nümunə budur!

Mövcud stereotipin ləğvinə, yanlışlığına  xidmət elə, çünki hər kəsin-küsənin də, inciyənin də, vəzifəsizliyi “həzm” edə bilməyinin də, kinlinin də, sərvətini kənarda yeməyə çalışanın da bir gün dönüb, dolanıb, qayıdacağı son dayanacaq yenə də  öz eli, öz Yurdudur!   

MÜƏLLİFİN DİGƏR YAZILARI
“Traktor”un oyununda qarşıdurma: xeyli yaralı var - VİDEO 19 Aprel 2019, 20:36 Bakıda İran Ticarət Mərkəzi  açıldı 19 Aprel 2019, 20:18 İstanbulda Qaşıqçının ölümündə şübhəli bilinən cəsus saxlanıldı 19 Aprel 2019, 20:06 Son illər rus bölməsində təhsil alan şagirdlərin sayı  dəyişməz qalıb - Təhsil Naziri 19 Aprel 2019, 19:58 Bakıda kişi ona ərə getmək istəməyən qadını öldürüb - TƏFƏRRÜAT 19 Aprel 2019, 19:49 “Elinanın ölümü bizim üçün sarsıdıcı oldu - Ceyhun Bayramov 19 Aprel 2019, 19:40 Vyetnamın Baş naziri OANA İcraiyyə Komitəsi iclasının bir qrup iştirakçısını qəbul edib - FOTO   19 Aprel 2019, 19:32 Tənqidlər konstruktiv olarsa biz məsələni daha tez həll edə bilərik - NAZİR 19 Aprel 2019, 19:23 Polis 3 il əvvəl törədilən qətlin üstü açdı 19 Aprel 2019, 19:14 Vüqar Rəhimzadə: Antiazərbaycan qüvvələrin çirkin kampaniyasına tutarlı cavab ölkəmizin uğurlu inkişafıdır   19 Aprel 2019, 19:05 Şəmkirdə ağır yol qəzası: 1 ölü, 3 yaralı var   19 Aprel 2019, 18:58 Xüsusi qabiliyyət tələb edən ixtisaslar üçün müsabiqə şərtləri AÇIQLANDI   19 Aprel 2019, 18:49 Ramil Usubov 372 nəfəri işə götürdü   19 Aprel 2019, 18:40 İnam Kərimov Zaqatalada vətəndaşları qəbul edəcək 19 Aprel 2019, 18:31 Külli miqdarda narkotik vasitə dövriyyədən çıxarılıb   19 Aprel 2019, 18:23 İstirahət günlərinin HAVASI: Yağış, qar yağacaq   19 Aprel 2019, 18:15 Problemli krediti olanlar kompensasiyaları bu ŞƏRTLƏRLƏ alacaqlar 19 Aprel 2019, 18:07 Deputat “Komandir”in təqdimatında Qarabağ naminə birliyə ÇAĞIRDI 19 Aprel 2019, 17:54 Jiru “Çelsi”nin tarxinə adını yazdırdı 19 Aprel 2019, 17:50 ABŞ-a işləyən 300 nəfərlik casus şəbəkəsi çökdürüldü 19 Aprel 2019, 17:42 Beynəlxalq Münasibətlərin Təhlili Mərkəzinin ilkin nizamnamə fondu - 100 min manat 19 Aprel 2019, 17:40 Problemli kreditləri olan vətəndaşlara kompensasiya ödənişi başladı - RƏSMİ 19 Aprel 2019, 17:38 Citibank nümayəndəsi UNEC-də təqdimat etdi   19 Aprel 2019, 17:37 Elmi konfrans “Heydər Əliyev və müasir Azərbaycan təhsili” 19 Aprel 2019, 17:35 İmamoğlu Ərdoğanla görüşündən danışdı: “O məni təbrik etdi, mən də onu” 19 Aprel 2019, 17:30 Manatın üç günlük MƏZƏNNƏSİ 19 Aprel 2019, 17:29 İstirahət günlərində səyahətə çıxanlar üçün hava PROQNOZU 19 Aprel 2019, 17:29 Azərbaycan hərbçiləri NATO-nun təlimində iştirak edib 19 Aprel 2019, 17:10 Leyla Əliyeva sağlamlıq imkanlarından məhdud gənclərin sərgisinə gəldi 19 Aprel 2019, 16:42 Beynəlxalq Münasibətlərin Təhlili Mərkəzinin işi barədə Fərman verildi 19 Aprel 2019, 16:35