Rusiyanın Sankt-Peterburq və Moskva şəhərlərində Şimali Qafqazdan olan qanunsuz silahlı birləşmə üzvləri ilə yerli təhlükəsizlik qüvvələri arasında silahlı toqquşmalar baş verib.
Modern.az Rusiya KİV-nə istinadən xəbər verir ki, Sankt-Peterburqda çoxmərtəbəli binalardan birində keçirilən xüsusi əməliyyat zamanı 3 silahlı şəxs öldürülüb.
Bundan başqa, Moskvaya gedən əsas yollardan sayılan Şelkov şossesində post-patrul polisinin postuna silahlı hücum edilib. Silahlılar 1 polis əməkdaşını öldürüb, digərini isə yaralayıblar. Ərazidə aparılan xüsusi əməliyyat zamanı 2 silahlı şəxs öldürülüb.
Moskva və Leninqrad vilayətlərində gərgin situasiya davam edir.
***
Sankt-Peterburqda əməliyyat zamanı Şimali Qafqazdan olan 4 silahlı öldürülüb. Bu barədə "Ria Novosti" məlumat yayıb.
Vüqar İSMAYILOV