Bu gün Avropa Liqasının qrup mərhələsində mübarizə aparan komandamız növbəti oyununu keçirib. Modern.az saytı xəbər verir ki, “Qarabağ” komandası səfərdə “Fiorentina”nın (İtaliya) qonağı olub. Komandamız ilk dəqiqələrdən oyuna fəal başlasa da, sonradan üstünlük rəqibə keçib. Oyunun 30-cu dəqiqəsində isə komandamızın oyunçusu Elvin Yunuszadə qırmızı vərəqə alaraq oyundan qovulub. Bundan sonra 1 nəfər azlıqda oynayan “Qarabağ” ilk hissədə qapısında 3 top görüb. Oyunun 39-cu dəqiqəsində Babakar, 42-ci dəqiqədə Kaliniç, 45+2-ci dəqiqədə yenidən Babakar fərqlənib. Rəqib komanda ikinci hissədə daha iki qol vurub. “Fiorentina”nın oyunçusu Zarate, 63 və 78-ci dəqiqədə “Qarabağ”ı mərkəzə dəvət edib.
Yalnız 90+2-ci dəqiqədə “Qarabağ”ın oyunçusu Ndlovu vurulan qollardan birinin əvəzini çıxa bilib. Beləliklə, “Qarabağ” ikinci oyununu 1:5 hesablı məğlubiyyətlə başa vurub.
Modern.az