Kaliforniya ştatının ABŞ-dan ayrılması ilə bağlı referendum keçirilə bilər. Bu barədə şəhər sakinləri ştat prokurorluğuna müraciət ediblər
Modern.az xarici KİV-ə istinadən xəbər verir ki, referendumun təşəbbüskarını “Yes California” hərəkatı irəli sürüb. Fəallar onların təşəbbüsünün “Calexit: Kaliforniyanın müstəqilliyi ilə bağlı 2019-cu ilin plebissiti” adı altında qeydiyyata alınmasını istəyirlər.
Ərizənin qeydiyyatından sonra onlar referenduma dəstək imzaları toplayacaqlar. Təşəbbüskarların sözlərinə görə, onlar artıq 13 min toplayıblar.
Hərəkatın həmtəsisçisi və vitse-prezidenti Markus Ruis Evans bildirib ki, referendumun keçirilməsi haqda məsələnin gələn il qaldırılması planlaşdırılırdıq.
“ Lakin Donald Trampın seçkilərdə qalib gəlməsi onları bu prosesi sürətləndirməyə məcbur edib. Bütün bunlar realdır. Biz Kaliforniyanın müstəqillik əldə etməsinə görə səsvermənin 2019-ci il martın 13-də keçiriləcəyinə ümid edirik”.
Mirmahmud KAZIMOĞLU
