Ötən gecə Çeçenistanda silahlı qarşıdurma bir neçə Rusiya hərbçisinin ölümü ilə nəticələnib. Modern.az saytı Rusiya KİV-nə istinadən xəbər verir ki, 8 nəfərdən ibarət silahlı dəstə Rusiya Milli Qvardiyasının Naur qəsəbəsində yerləşən hərbi hissəsinə keçməyə cəhd edib.
Hücum nəticəsində Rusiya Milli Qvardiyasının 6 hərbi qulluqçusu həlak olub, bir neçə hərbiçin yaralandığı bildirilir.
Terrorçulardan da 6 nəfər öldürülüb, 2-si qaçıb gizlənib.
Qeyd edək ki, hadisə ötən gecə təqribən saat 02:30 radələrində baş verib. Hazırda gizlənən silahlılar axtarılır.
Modern.az
