Almaniyadan 72 min insan təxliyə ediləcək. Modern.az xarici mediaya istinadən xəbər verir ki, təxliyə edilənlər Hessen vilayətinin Frankfurt şəhərinin əhalisidir. Təxliyəyə səbəb isə şəhərdə İkinci Dünya müharibəsinə aid bombanın tapılmasıdır. Belə ki, 1,8 tonluq bomba Vestend rayonunda tikinti işləri zamanı aşkarlanıb. Partlayıcı müharibə vaxtı Britaniya aviasiyası tərəfindən atılıb. Bazar günü mütəxəssislər bombanı zərərsizləşdirməyə çalışacaqlar. Əgər bu, alınmasa, partlayıcı yerində partladılacaq.
Modern.az
