“Müxalifətin sabah keçiriləcəyi zirvə görüşü barədə məlumatı ilk dəfə eşidirəm. Bu barədə heç bir məlumatım yoxdur”. Bu sözləri Modern.az-a açıqlamasında Müsavat Məclsinin sədri Arzu Səmədbəyli Vətəndaş Forumunun bununla bağlı elan etdiyi toplantıda iştirakına münasibət bildirirəkən deyib. A. Səmədbəylinin sözlərinə görə, Müsavat Partiyasının “zirvə görüşü” adlanan toplantıda iştirakına dair heç bir məlumata malik deyil.
“Mənim bu barədə məlumatım yoxdur”-deyə Məclis sədri vurğulayıb.
Qeyd edək ki, Vətəndaş Hərəkatı Forumu sabah müxalifətin zirvə görüşünü keçirməyə hazırlaşdığı barədə məlumatı saytımıza KXCP sədrinin müavini Fikrət Cəfərli verib. Onun sözlərinə görə, görüşdə müxalifət qüvvələrinin demokratik seçki mühitinin yaradılması və qanunçuluğun bərpası istiqamətində birgə fəaliyyətin perspektivlərinin müzakirəsi gözlənilir.
Tədbirə Müsavat, AXCP, KXCP, ADP, AMİP, ALP, Ümid və VİP dəvət edilib.
