ABŞ prezidenti Donald Tramp 2011-ci ildə Liviyaya qarşı tətbiq edilmiş sanksiyaların müddətini daha bir il uzadıb. Modern.az “RİA Novosti”yə istinadən xəbər verir ki, bu barədə Ağ Evin məlumatında bildirilir.
Məlumata görə, Liviyadakı vəziyyət ABŞ-ın milli təhlükəsizliyi və xarici siyasətinə təhlükə kəsb edir.
Qeyd edək ki, 2011-ci ildə Müəmmər Qəddafinin devrilməsindən sonra Liviyada ikihakimiyyətlilik hökm sürür. Ümumxalq səsvermə nəticəsində seçilmiş parlament ölkənin şərqindəki Tobruk şəhərində, Milli Barışıq Hökuməti isə Tripolidə yerləşir. Tobrukdakı hökumət həmçinin general Xəlifə Xaftarın ordusu ilə birgə radikal islamçılara qarşı mübarizə aparır.
