Milli Məclisin Əmək və sosial siyasət komitəsinin sədri , siyasi elmlər doktoru, professor Hadi Rəcəbli 26 aprel tarixində Mədəniyyət və İncəsənət Universitetində Azərbaycan Sosial iş İctimai birliyinin təşkilatçılığı ilə keçirilmiş “Postsovet ölkələrində Sosial iş: Sosial iş təhsilində nailiyyətlər və problemlərə dair” 4-cü elmi-praktik konfransda iştirak edib.
Modern.az xəbər verir ki, komitə sədri eyni zamanda Sosial iş məktəblərinin Beynəlxalq Assosiyasiyasının Prezidenti, professor Annamariya Kampaninni ilə görüşmüş, sosial iş istiqamətində həyata keçirilən ayrı-ayrı ölkələrdəki tədbirlərdən söz açılmışdır. Daha sonra konfransda çıxış edən Milli Məclisin Əmək və sosial siyasət komitəsinin sədri, professor Hadi Rəcəbli Azərbaycanda mövcud sosial siyasət, 2011-ci ildə qəbul olunmuş “Sosial xidmət haqqında” Azərbaycan Respublikasının qanunundan danışmış, konfransın işinə uğurlar arzulayıb.
Sonda komitə sədri Azərbaycan Dövlət Mədəniyyət və İncəsənət Universitetinin bu sahədə gördüyü işlərlə əyani tanış olub.
