Qəzza zolağının sərhədində İsrail hərbçiləri ilə toqquşmalarda 2 fələstinli ölüb. Modern.az “RİA Novosti”yə istinadən xəbər verir ki, yaralılardan 5-nin vəziyyəti ağırdır.
Bundan əvvəl 1 nəfərin öldüyü, 85 nəfərin yaralandığı bildirilirdi.
Qeyd edək ki, bu ilin martında fələstinlilər Qəzza zolağının sərhədində “Böyük Qayıdış Yürüşünə" başlayıb. Yürüşdə məqsəd dünya ictimaiyyətinin diqqətini müxtəlif illərdə hazırkı İsrail ərazisində öz evlərindən qovulmuş fələstinlilərin probleminə cəlb etməkdir.
