Artıq 2018-ci ilin yekunlaşmasına sayılı günlər qalıb. Şərq təqvimi ilə qarşıdan 2019-cu il - Qaban ili gəlir.
Modern.az-ın əməkdaşı Qaban ilinin xüsusiyyətləri, bu ildə bizi nələrin gözləyəcəyi kimi suallarla AMEA-nın böyük elmi işçisi, filologiya elmləri namizədi, tanınmış astroloq Firudin Qurbansoya müraciət edib. Firudin Qurbansoy isə neçə illərdir ki, öncədən proqnoz vermədiyini bildirib:
“Dediyiniz məsələlərlə bağlı danışmıram. 4-5 ildir ki, proqnoz da vermirəm. Ümumilikdə astrologiya ilə bağlı daha heç nə demirəm”.
Firudin Qurbansoy qəti şəkildə özünü astroloq kimi görmədiyini də söyləyib:
“Azərbaycanda mən də daxil olmaqla astroloq yoxdur. Amma Səbuhi Rəhimli öz üzərində çalışır və məlumatlıdır. Ona görə də ən yaxşı astroloq kimi Səbuhi Rəhimlini məsləhət görə bilərəm. Ondan başqası yoxdur”.
