Gürcüstan Daxili İşlər Nazirliyi prezident Georgi Marqvelaşvilinin kürəkəni Mindiya Qoqoçuri və onun dostunu saxlayıb.
Modern.az Gürcüstan KİV-nə istinadən xəbər verir ki, polis onların yaşadığı evin eyvanından silah və zirehli geyimləri çölə atdığını müəyyən edib.
Onlar “qanunsuz silah saxlamaqda” ittiham olunurlar. Təqsirli bilinsə, 29 yaşlı Mindiya Qoqoçurini 8 ilə qədər həbs gözləyir. O prezident Georgi Marqvelaşvilinin qızlığı, birinci ledi Maki Çiçuanın qızı Maşo Çiçuanın həyat yoldaşıdır.