19 mart 2019, Çərşənbə axşamı
Ana Səhifə - İQTİSADİYYAT - “Azərbaycan Beynəlxalq Bankı yeni Strateji İnkişaf Planını hazırlayır” - MÜSAHİBƏ
“Azərbaycan Beynəlxalq Bankı yeni Strateji İnkişaf Planını hazırlayır” - MÜSAHİBƏ
05.03.2019, 11:12

Azərbaycan Beynəlxalq Bankının (ABB) İdarə Heyətinin sədri Abbas İbrahimov bank sektorundakı mövcud vəziyyət, “Azərbaycan Respublikasında fiziki şəxslərin problemli kreditlərinin həlli ilə bağlı əlavə tədbirlər haqqında” Azərbaycan Respublikası Prezidentinin Fərmanından irəli gələn məsəllərlə bağlı müshaibə verib. Modern.az onunla müsahibəni təqdim edir:

 

-Abbas müəllim, fevralın 28-də Azərbaycan Respublikasının Prezidenti fiziki şəxslərin problemli kreditlərinin həlli ilə bağlı əlavə tədbirlər haqqında Fərman imzaladı. Bununla dövlət öz vətəndaşlarına kifayət qədər ciddi bir problemin həllində çox böyük dəstək verdi. Bəs bu Fərman banklar üçün hansı müsbət təsirləri yaradacaq?

 

- Bu Fərman, ölkənin sosial-iqtisadi həyatında, həqiqətən çox mühüm hadisədir. Müvafiq dövlət qurumları tərəfindən verilən açıqlamalara görə, dövlətimizin bu dəstəyi 800 mindən artıq vətəndaşı əhatə edəcək. Təbii ki, Fərman, ilk növbədə, əhalinin maliyyə itkilərinin qarşılanmasına, borc yüklərinin yüngülləşdirilməsinə və vətəndaşların sosial-rifah halının yaxşılaşdırılmasına xidmət edir. Vətəndaşlarımızla yanaşı, bu fərmanın ölkəmizin bank sektoruna da çox müsbət təsirləri olacaq. Bildiyiniz kimi, devalvasiyadan sonrakı müəyyən bir dövrdə banklarımızın maliyyə vasitəçisi kimi mövqeyi zəifləmişdi. Bu addım sayəsində banklarımızın kapital mövqeyi güclənəcək. Problemin həlli üçün Fərmanda irəli sürülmüş ən optimal model sayəsində vətəndaşlar borc yükündən azad olmaqla yanaşı, banklar da böyük həcmdə likvid vəsaitlər əldə edəcəklər. Bununla kreditləşmə fəaliyyəti güclənəcək, yeni biznes layihələrinin maliyyələşdirilməsi üçün əlavə imkanlar yaranacaq.

 

-2018-ci ilin nəticələrinə nəzər salaq. Azərbaycan Beynəlxalq Bankı ili hansı nəticələrlə başa vurdu?

 

- Ötən il üzrə fəaliyyət göstəricilərimizi bir müddət əvvəl mediada və internet səhifəmizdə elan etmişik. Qısaca onu deyim ki, nəticələr müsbətdir. Azərbaycan Beynəlxalq Bankı ili 426 milyon manat xalis mənfəətlə başa vurub. Ötən illərdə dövlət tərəfindən sağlamlaşdırma tədbirləri çərçivəsində aparılmış maliyyə əqdlərinin nəticələri çıxılmaqla, bankın sırf əməliyyat fəaliyyətindən əldə etdiyi xalis mənfəət 200 milyon manat ətrafındadır.

İlin sonuna bankın aktivləri 8 milyard manata yaxın olub. Kapital mövqeyi daha da möhkəmlənib, il ərzində bankın kredit portfeli 8%-dən çox artaraq 1.9 milyard manata çatıb.

Bütün bunlar, bir tərəfdən banka verilən dövlət dəstəyinin, digər tərəfdən də fəaliyyətin səmərəliliyinin və effektivliyinin artırılması üçün həyata keçirilən tədbirlərin nəticəsidir. Əlbəttə, yeni inkişaf mərhələsində olan bank üçün bütün bunlar hələ, sadəcə, gözəl bir başlanğıcdır. Bankımızda inkişaf prosesləri sürətlə davam etdirilir və daha böyük hədəflərə doğru irəliləyirik.

 

- Bankın bir neçə il əvvəl üzləşdiyi çətinliklərdən artıq tam xilas olduğunu söyləmək olarmı?

 

- Bəli, böyük əminliklə bunu söyləyə bilərik. Ötən 2 ildə həyata keçirilən sağlamlaşdırma tədbirləri və müştərilərimizin bizə olan inam və etibarı sayəsində çətinliklər geridə qaldı. Bankın aktiv və öhdəliklərinin restrukturizasiyası prosesi uğurla başa çatdırıldı. Həm maliyyə və kadr sağlamlaşdırılması, həm əməliyyat effektivliyi baxımından çox mühüm addımlar atıldı. Bütün bunların müsbət təsirlərini artıq müştərilərimiz və tərəfdaşlarımız hiss edir.

 

- Azərbaycan Beynəlxalq Bankının inkişafı üçün indi hansı işlər görülür?

 

- Biz ölkənin ən iri bankıyıq və bu həm də böyük məsuliyyətdir. Bu o deməkdir ki, biz öz inkişafımızla yanaşı, sektorun inkişafında və modernləşməsində də yaxından iştirak etməliyik. Ötən il “Müasir dövlət bankınız” şüarı ilə ictimaiyyət qarşısına çıxaraq Azərbaycan Beynəlxalq Bankında yeni dönəmin başlandığını rəsmən elan etdik. Bankımızı müasir bankçılıq trendlərinə uyğunlaşdırmaq və müştərilərimizə daha keyfiyyətli xidmət göstərmək üçün bütün komandamız var gücü ilə çalışır. İlin birinci yarısında yeni, çoxfunksiyalı kart məhsulumuzu təqdim edəcəyik. Bu kart bazara maraqlı yenilik gətirəcək və xüsusi brend adı olacaq. Düşünürəm ki, müştərilərimiz bu məhsulumuzu böyük maraqla qarşılayacaqlar. Beynəlxalq ödəniş sistemləri ilə tərəfdaşlıq əsasında indi ölkəmiz üçün tamamilə yeni olan 2 innovativ məhsul üzərində də çalışırıq. Bazarda nağdsız ödəniş vərdişlərinin formalaşdırılmasına töhfə vermək məqsədilə bir sıra ardıcıl tədbirlərimiz nəzərdə tutulur.

Korporativ bankçılıq istiqamətinə gəldikdə isə, Azərbaycan Beynəlxalq Bankı ənənəvi olaraq həmişə bizneslər üçün güclü əməliyyat bankı olub. Ötən ildən etibarən həm iri, həm də kiçik və orta sahibkarlıq subyektlərinin biznes layihələrinin maliyyələşdirilməsində aktiv rol almağa başlamışıq. İl ərzində bizneslərə 500 milyon manata yaxın kredit və qarantiyalar verilib. Hazırda müştərilərimizin çalışdıqları sektorun xüsusiyyətlərinə uyğun olaraq bütün bank ehtiyaclarını – kredit xəttindən qarantiyalara, əmək haqqı kartlarından POS terminaladək - ən sərfəli və çevik şəkildə qarşılayan xüsusi məhsul paketləri üzərində işləyirik.

 

- Bəs müştəri xidməti keyfiyyətinin artırılması üçün hansısa layihələriniz varmı?

 

- Bu istiqamətdə xeyli işlər görülüb və bu işləri yenə davam etdiririk. Müştəri xidməti ilə məşğul olan əməkdaşlarımız xüsusi hazırlanmış təlim proqramlarına cəlb olunur, müştəri məmnuniyyətinin ölçülməsi və artırılması istiqamətində müasir alətlər tətbiq olunur. Müraciətlər və şikayətlərlə işləyən strukturumuzu və biznes proseslərimizi tamamilə yenidən qurmuşuq. Bu, bizə imkan verir ki, müştərilərimizi daha tez eşidək və sürətli reaksiya verək. Bunlarla yanaşı, xidmət keyfiyyətinin artırılması ilə bağlı bankda bir sıra infrastruktur layihələri həyata keçiririk. Əmək haqqı və sosial ödənişləri bizdən alan müştərilərə ən yaxşı xidməti göstərmək üçün regionlarda inkassasiya mərkəzlərinin qurulmasına başladıq. Ötən il Yevlax inkassasiya mərkəzini istifadəyə verdik. Bu mərkəz hazırda mərkəzləşdirilmiş qaydada 17 regiona və 80 bankomata xidmət göstərir. Əvvəllər kənarda yerləşən bankomatlara da xidməti filiallar göstərdiyi üçün bəzən problemlərlə üzləşirdik. Ən böyük bankomat şəbəkəsinə malik bank kimi, bu il də regional inkassasiya mərkəzlərinin yaradılmasını davam etdirəcəyik. Digər bir mühüm addım, filialların yenilənməsi proqramıdır. Proqram çərçivəsində xidmət ofislərimizdə yeni struktur, biznes proseslər və yanaşmalar tətbiq edilir. Pilot olaraq bu layihəni Nərimanov filialında tətbiq edirik. İyun ayınadək yenilənmiş filialımızı müştərilərin xidmətinə təqdim edəcəyik. Müştərilərimiz tam yenilənmiş, müasir texnologiyalarla təchiz olunmuş, sürətli və çevik xidmətə zəmin yaradan yerləşmə və şəraitlə qarşılaşacaqlar. Bu modeli tədricən bütün filiallarımızda tətbiq etməyi nəzərdə tuturuq. Müştəri məmnuniyyətinin artırılması məqsədilə ön ofis əməkdaşlarımızın istifadə etdiyi proqram təminatını yeniləyirik. Bankın alternativ xidmət kanalları, o cümlədən IBAm Mobil Bank tətbiqi, ödəniş terminalları və bankomat şəbəkəsində təqdim olunan məhsul və xidmətlərin çeşidliliyinin və keyfiyyətinin daha da artırılması üçün investisiyalar edirik.

 

- Digər bir yaddaqalan hadisə də Azərbaycan Beynəlxalq Bankının ötən ilin sonlarına doğru təqdim etdiyi yeni imic çarxı oldu. Xüsusilə sosial şəbəkələrdə çox maraqla qarşılanan və bəyənilən bu çarxla bank cəmiyyətimizə hansı mesajları vermək istəyirdi?

 

- Bu imic çarxı, onun təqdimatında da qeyd etdiyimiz kimi, çətin günlərdə Azərbaycan Beynəlxalq Bankına dəstək vermiş dövlətimizə, bizə inanaraq çətinlikləri geridə qoymağımızda kömək göstərən ölkəmizin insanlarına bir təşəkkür borcumuz idi. Bununla həm də cəmiyyətin diqqətini bu gün Azərbaycan Beynəlxalq Bankında gedən müsbət inkişaf meyllərinə yönəltdik. İstədik insanlarımız bilsinlər ki, bankın üzləşdiyi çətin günlər artıq geridə qalıb. Azərbaycan Beynəlxalq Bankı bu gün ayaqdadır, inkişaf edir, ölkəmizin bütün insanlarına xidmət göstərir, sosial-iqtisadi həyatın bütün sahələrində faydalı olmağa çalışır.

 

- Azərbaycan Beynəlxalq Bankının gələcək fəaliyyət istiqamətlərində hər hansı dəyişiklik gözlənilirmi?

 

- Hazırda bankın növbəti 3 il üzrə Strateji İnkişaf Planı üzərində işləyirik. Bu işdə bizə dəstək olması üçün ilin əvvəlində ölkəmizdə yerli ofisi olan

nüfuzlu beynəlxalq konsaltinq şirkəti ilə əməkdaşlıq etməyə başlamışıq. Konsultant komandasında İngiltərə, Türkiyə və Rusiya kimi qabaqcıl bank təcrübəsi olan ölkələrdən peşəkarlar iştirak edir. Artıq 2 aya yaxındır ki, onlarla birlikdə bu layihə üzərində işləyir, ilin birinci yarısında layihənin başa çatmasını planlayırıq. Yeni strategiyamız və bundan irəli gələn Fəaliyyət Planımız təsdiqlənən kimi ictimaiyyətə bu barədə ətraflı məlumat veriləcək.

 

- Bu o deməkdir ki, sizə güclü kadrlar da lazım olacaq. İşçilərinizi seçərkən daha çox hansı profilli kadrlara üstünlük verirsiniz ?

 

- Əslində son 2 ildir ki, biz bazarda ən aktiv işəgötürənlərdən biriyik. Bir tərəfdən müştərilərimizə daha keyfiyyətli xidmət göstərmək üçün ön ofis əməkdaşlarını, digər tərəfdən, fəaliyyətimizin səmərəliliyinin artırlması və bankın inkişafı ilə bağlı layihələrdə dəstək olacaq arxa ofis əməkdaşlarını işə cəlb edirik. Yəni, məhdud bir profil yoxdur. Məsələn, bu yaxınlarda təsis edilmiş Rəqəmsal innovasiyalar strukturu üçün “Machine learning” və süni intellekt sahəsində bilik və təcrübəyə malik peşəkarlar axtarırıq. Hər bir halda isə namizədlərin bəzi keyfiyyət və dəyərlərə malik olmasına önəm veririk. Bunlar şəffaflıq, dürüstlük, əzmkarlıq və komandada işləmə qabiliyyətidir. Mən özünə güvənən bütün gəncləri Azərbaycan Beynəlxalq Bankının elan olunmuş vakansiyalarında özlərini sınamağa dəvət edirəm. Ümumilikdə, məqsədimiz bankımızın nəinki bank sektoru, bütövlükdə kadr bazarında “ən yaxşı işəgötürən” imicini formalaşdırmaq və namizədlərin bir nömrəli seçimi olmaqdır.

 

- Azərbaycan Beynəlxalq Bankı hazırda xaricdən vəsait cəlb edirmi? Ümumiyyətlə, beynəlxalq maliyyə institutları ilə əməkdaşlıq əlaqələri nə yerdədir?

 

- Hazırda Azərbaycan Beynəlxalq Bankı kifayət qədər likvid vəsaitlərə malik olduğundan xaricdən belə bir cəlbetməyə ehtiyac yoxdur. Beynəlxalq maliyyə institutları, o cümlədən ödəniş sistemləri ilə əməkdaşlıq əlaqələrimiz isə daha da inkişaf edir və genişlənir. Bildiyiniz kimi, Azərbaycan Beynəlxalq Bankı ən çox beynəlxalq ödəniş sistemləri ilə əməkdaşlıq edən Azərbaycan bankıdır. Elə bu günlərdə Union Pay beynəlxalq ödəniş sisteminin kartlarının emissiyasına başladıq. Bundan başqa, American Express ödəniş sistemi ilə eksklüziv tərəfdaşlığımızın müddəti növbəti 6 il müddətinə uzadıldı. Azərbaycan Beynəlxalq Bankı ABŞ-ın dörd bankında müxbir hesabları olan yeganə Azərbaycan bankıdır. Yeni əməkdaşlıq perspektivlərini həmişə dəyərləndirməyə çalışırıq və bu, gələcəkdə də belə olacaq. Bütün bu əməkdaşlıqlar, beynəlxalq əlaqələr, təbii ki, müştərilərimizə xidmət üçündür. Bu əlaqələr həm korporativ, həm də fərdi müştərilərimizin əməliyyatlarını çevik, rahat və yüksək keyfiyyətlə yerinə yetirməyimizə şərait yaradır.

 

Sonda törəmə təşkilatlar barədə sual vermək istərdik. Azərbaycan Beynəlxalq Bankının indi hansı törəmə müəssisələri aktiv fəaliyyət göstərir

 

- Hazırda səhmləri 100% Azərbaycan Beynəlxalq Bankına aid olan 2 aktiv törəməmiz var - Rusiya bazarında fəaliyyət göstərən “ABB-Moskva” Bankı və ən iri yerli prosessinq mərkəzi olan “Azerikard” MMC.

Rusiyadakı törəməmiz, əsasən, iki ölkə arasındakı ticarət dövriyyəsinə dəstək olmaq məqsədilə ticarət maliyyələşdirməsi və pul köçürmələrində mühüm rol oynayır. “Azerikard” isə ölkəmizdəki 30 yerli bankdan 19-a kart-prosessinq xidməti göstərir. Qeyd etdiyim kimi, hazırda bankımızın yeni inkişaf strategiyası üzərində işləyirik. Törəmə müəssisələrimizin yeni inkişaf strategiyalarına da bu layihə çərçivəsində baxılır.

 


Gülşən RAUFQIZI
Xəbərin müəllifi
xeber, parlament, ölkə, qarabağ, müsahibə, müəlliflər, təhsil, iqtisadiyyat, reportaj, gündəm, mədəniyyət, dünya, media, ədəbiyyat, fotosöhbət, Azərbaycan, xəbərlər, Russia, Turkey, Azerbaijan, Bakı, Baku

Şərh yaz

Bu kateqoriyadan olan xəbərlər
SON XƏBƏR
Flaminqo görmək istəyən Qızılağac Parkına getsin - FOTOLAR
19.03.2019, 13:41

Flaminqo görmək istəyən Qızılağac Parkına getsin - FOTOLAR

Yaz fəsli Azərbaycana martın 21-i saat 01.58-də daxil olacaq
19.03.2019, 13:39

Yaz fəsli Azərbaycana martın 21-i saat 01.58-də daxil olacaq

Hikmət Hacıyev Berlində Qarabağ müzakirələri aparıb
19.03.2019, 13:35

Hikmət Hacıyev Berlində Qarabağ müzakirələri aparıb

Avropa Şurasının rəsmi saytı “Azərbaycan ədəbiyyatı antologiyası”ndan yazdı   
19.03.2019, 13:32

Avropa Şurasının rəsmi saytı “Azərbaycan ədəbiyyatı antologiyası”ndan yazdı  

Rövşən Rzayev vətəndaşları dinlədi
19.03.2019, 13:28

Rövşən Rzayev vətəndaşları dinlədi

Bakıda ahıl qadınları soyan şəxs saxlanılıb
19.03.2019, 13:23

Bakıda ahıl qadınları soyan şəxs saxlanılıb

Sabahın hava proqnozu: yağış, qar
19.03.2019, 13:03

Sabahın hava proqnozu: yağış, qar

Prezidentin köməkçisi İlham Əliyev haqqındakı iddiaları TƏKZİB ETDİ: “Yalan və saxtadır!”
19.03.2019, 12:58

Prezidentin köməkçisi İlham Əliyev haqqındakı iddiaları TƏKZİB ETDİ: Yalan və saxtadır!

Prezident və birinci xanım Novruz şənliklərində - YENİLƏNİB   
19.03.2019, 12:56

Prezident və birinci xanım Novruz şənliklərində - YENİLƏNİB  

Beynəlxalq Bankdan YENİLİK
19.03.2019, 12:54

Beynəlxalq Bankdan YENİLİK

“Nobel qardaşlarının ilk uğuru” filmi baxış üçün Kann festivalında
19.03.2019, 12:51

“Nobel qardaşlarının ilk uğuru” filmi baxış üçün Kann festivalında

Baş redaktor Türk dünyası ilə bağlı tədbirlərdə iştirak edəcək
19.03.2019, 12:45

Baş redaktor Türk dünyası ilə bağlı tədbirlərdə iştirak edəcək

Bakıda yeniyetmə qızı döyən Ağstafa sakini saxlanıldı
19.03.2019, 12:43

Bakıda yeniyetmə qızı döyən Ağstafa sakini saxlanıldı

Ermənistanda “qanunda oğru” saxlanıldı – VİDEO
19.03.2019, 12:40

Ermənistanda “qanunda oğru” saxlanıldı – VİDEO

Azercell abunəçilərini Novruz bayramında sevindirməyə davam edir
19.03.2019, 12:34

Azercell abunəçilərini Novruz bayramında sevindirməyə davam edir

Azərbaycan əhalisi iki ayda 7 milyard manatdan çox gəlir əldə edib
19.03.2019, 12:30

Azərbaycan əhalisi iki ayda 7 milyard manatdan çox gəlir əldə edib

Manvel Qriqoryan Ermənistanı Avropa məhkəməsinə şikayət etdi
19.03.2019, 12:22

Manvel Qriqoryan Ermənistanı Avropa məhkəməsinə şikayət etdi

Deputatlar TÜRKPA Katibliyinin Novruz tədbirində
19.03.2019, 12:20

Deputatlar TÜRKPA Katibliyinin Novruz tədbirində

Əbülfəs Qarayev mədəniyyət ictimaiyyətini təbrik etdi
19.03.2019, 12:05

Əbülfəs Qarayev mədəniyyət ictimaiyyətini təbrik etdi

General şəhid ailələrinin evinə getdi
19.03.2019, 11:57

General şəhid ailələrinin evinə getdi

Rusiyadan Azərbaycana bu məhsulların gətirilməsinə qadağa qoyuldu
19.03.2019, 11:56

Rusiyadan Azərbaycana bu məhsulların gətirilməsinə qadağa qoyuldu

“Azərsu” gücləndirilmiş iş rejimində fəaliyyət göstərəcək
19.03.2019, 11:54

“Azərsu” gücləndirilmiş iş rejimində fəaliyyət göstərəcək

Novruzda yalnız şəkərbura, paxlava yemirlər - Azərbaycan diasporundan yeni addımlar
19.03.2019, 11:31

Novruzda yalnız şəkərbura, paxlava yemirlər - Azərbaycan diasporundan yeni addımlar

Azərbaycan həbsxanalarında dustaqlar nə yeyir? - Penitensiar Xidmət: “Ət, toyuq, balıq, şokolad...” - VİDEO
19.03.2019, 10:58

Azərbaycan həbsxanalarında dustaqlar nə yeyir? - Penitensiar Xidmət: “Ət, toyuq, balıq, şokolad...” - VİDEO

Keçmiş “KVN”çi Ukrayna prezidentliyinə əsas favoritdir  
19.03.2019, 10:50

Keçmiş “KVN”çi Ukrayna prezidentliyinə əsas favoritdir  

Canlı əfsanənin qayıdışı: Ramiz Əzizbəyli yeni filmdə - VİDEO
19.03.2019, 10:37

Canlı əfsanənin qayıdışı: Ramiz Əzizbəyli yeni filmdə - VİDEO

Kapital Bank daha bir beynəlxalq konfransa qatıldı
19.03.2019, 10:35

Kapital Bank daha bir beynəlxalq konfransa qatıldı

Amerikada böyük nüfuz sahibi olan soydaşımız - Men ştatında yaşayan bakılı balası - FOTOLAR
19.03.2019, 10:24

Amerikada böyük nüfuz sahibi olan soydaşımız - Men ştatında yaşayan bakılı balası - FOTOLAR

Elmar Məmmədyarov çilili həmkarına Dağlıq Qarabağdan danışdı
19.03.2019, 10:19

Elmar Məmmədyarov çilili həmkarına Dağlıq Qarabağdan danışdı

Ermənistan azərbaycanlı girovu Karen Kazaryana dəyişmək istəyir
19.03.2019, 10:13

Ermənistan azərbaycanlı girovu Karen Kazaryana dəyişmək istəyir

Sumqayıtda daş hasar aşıb, 1 nəfər ölüb
19.03.2019, 10:09

Sumqayıtda daş hasar aşıb, 1 nəfər ölüb

Ermənistan atəşkəsi 21 dəfə pozdu
19.03.2019, 09:57

Ermənistan atəşkəsi 21 dəfə pozdu

Akademik: “UNEC-də son 5 ildə yüksək inkişaf dinamikasını müşahidə edirik”
19.03.2019, 09:57

Akademik: “UNEC-də son 5 ildə yüksək inkişaf dinamikasını müşahidə edirik”

İslam inkişafa mane olur, yoxsa kömək edir? - Ateist yazar və din xadiminin BAXIŞI
19.03.2019, 09:52

İslam inkişafa mane olur, yoxsa kömək edir? - Ateist yazar və din xadiminin BAXIŞI

Sabahdan 7 günlük bayram tətili başlayır
19.03.2019, 09:31

Sabahdan 7 günlük bayram tətili başlayır

Gəncədə Novruz bayramı böyük coşqu ilə qeyd edilib
19.03.2019, 09:28

Gəncədə Novruz bayramı böyük coşqu ilə qeyd edilib

Şəmkirdə azot gübrəsi güzəştlə satılıb
19.03.2019, 09:27

Şəmkirdə azot gübrəsi güzəştlə satılıb

Səfir haqqında böhtan yazdıranları Allaha tapşırdı   
19.03.2019, 09:13

Səfir haqqında böhtan yazdıranları Allaha tapşırdı  

12 ildən sonra üçəmləri doğuldu - Nazir 3 otaqlı mənzil hədiyyə etdi - FOTOLAR   
19.03.2019, 08:44

12 ildən sonra üçəmləri doğuldu - Nazir 3 otaqlı mənzil hədiyyə etdi - FOTOLAR  

“Beyləqanda hamı millət vəkili kimi məhz məni görmək istəyir” - Tapdıq Abbas indidən qərar verib
19.03.2019, 08:36

“Beyləqanda hamı millət vəkili kimi məhz məni görmək istəyir” - Tapdıq Abbas indidən qərar verib

Bizimkilər - AzTV-nin xanım reportyoru: “...hədəfim ucqar bir kənddə məskunlaşmaqdır” - MÜSAHİBƏ   
19.03.2019, 08:30

Bizimkilər - AzTV-nin xanım reportyoru: “...hədəfim ucqar bir kənddə məskunlaşmaqdır” - MÜSAHİBƏ  

Jurnalistlər Qarabağ məsələsinin həll yolunu necə görürlər?..   
19.03.2019, 08:26

Jurnalistlər Qarabağ məsələsinin həll yolunu necə görürlər?..  

Manat və dolların bugünkü MƏZƏNNƏSİ
19.03.2019, 08:11

Manat və dolların bugünkü MƏZƏNNƏSİ

Ukraynada prezidentliyə bu namizəd rəqiblərini geridə qoydu   
19.03.2019, 00:54

Ukraynada prezidentliyə bu namizəd rəqiblərini geridə qoydu  

Fransa bəzi şəhərlərdə etirazları qadağan edir
19.03.2019, 00:43

Fransa bəzi şəhərlərdə etirazları qadağan edir

Göyçayda bəy toyundan bir gün sonra qəzaya düşdü
19.03.2019, 00:29

Göyçayda bəy toyundan bir gün sonra qəzaya düşdü

Ermənistanda oğul anasını baltaladı
19.03.2019, 00:16

Ermənistanda oğul anasını baltaladı

Bu gün Azərbaycanda ilaxır çərşənbə qeyd olunur
19.03.2019, 00:02

Bu gün Azərbaycanda ilaxır çərşənbə qeyd olunur

“OPEC plus”dan yeni çağırışlar
18.03.2019, 23:57

“OPEC plus”dan yeni çağırışlar

Azərbaycan nefti ucuzlaşdı
18.03.2019, 23:42

Azərbaycan nefti ucuzlaşdı

ARXİV