Modern.az-ın məlumatına görə, Azərbaycan Prezidenti İlham Əliyev mərhum prezident Heydər Əliyevin doğum günündə onun məzarını ziyarət etmək üçün Fəxri xiyabana gəlib. Ölkə başçısı Heydər Əliyevin məzarı önünə əklil qoyub. Prezident İlham Əliyev akademik Zərifə Əliyevanın da məzarını ziyarət edib, məzarı üzərinə çiçək dəstələri düzüb.
Ölkə rəhbəri ilə yanaşı, Azərbaycanın dövlət və hökumət rəsmiləri, millət vəkilləri, ictimaiyyət nümayəndələri də Heydər Əliyevin məzarını ziyarət ediblər.
Qeyd edək ki, bu gün görkəmli dövlət xadimi, mərhum prezident Heydər Əliyevin anadan olmasının 89-cu ildönümüdür.
Modern.az