“Eurovision-2012” Beynəlxalq Mahnı Müsabiqəsi ilə əlaqədar Bakıda 30-a yaxın orta məktəbdə dərslərin vaxtından əvvəl – mayın 21-də dayandırılacağı barədə xəbər vermişdik.
Modern.az saytının məlumatına görə, bu sıraya bir ali məktəb də qoşulub. Belə ki, şəhərin mərkəzində, metronun “İçərişəhər” stansiyasının yaxınlığında yerləşən Qərb Universietində də “Eurovision-2012” ilə əlaqədar dərslərə ara veriləcək.
Bu addım tələbələrin təhlükəsizliyi, həm də şəhərin mərkəzində olacaq sıxlıq baxımından atılıb.
Universitetdən bildirilib ki, Bakıda keçiriləcək “Eurovision-2012” ilə mahnı yarışması ilə əlaqədar 20-27 may tarixində dərslər dayandırilacaq. 28 may isə Respublika günü olduğundan Qərb Universietində dərslər 29 may tarixində bərpa olunacaq.
Sevinc İltifatqızı
