“Qaradağ rayonu Müşfiqabad qəsəbəsində məcburi köçkünlər üçün tikilən şəhərcik bu ilin sonuna tam hazır olacaq”. Bu sözləri Modern.az-a açıqlamasında Qaçqınların və Məcburi Köçkünlərin İşləri üzrə Dövlət Komitəsinin mətbuat xidmətinin rəhbəri Elçin Qədimov deyib.
“Orada böyük məhəllə salınır və tikinti işləri başa çatıb, artıq son tamamlama işləri gedir. Məhəllədə son tamamlama işləri də başa çatandan sonra məcburi köçkünlərin istifadəsinə veriləcək və Bakı Dövlət Universitetinin yataqxanasında olan məcburi köçkünlərin hamısı ora köçürüləcək”.
