“Azərbaycanın Misirdəki səfirliyi yaxın zamanlarda tam heyətdə işini bərpa edəcək”. Modern.az xəbər verir ki, bunu jurnalistlərə açıqlamasında XİN mətbuat xidmətinin rəhbəri Elman Abdullayev deyib. Nazirlik rəsmisinin sözlərinə görə diplomatik heyət Misirə qayıdacaq və səfirlik həmişəki kimi normal rejimdə fəaliyyətini davam etdirəcək.
Xatırladaq ki, hazırda Azərbaycanın Misirdəki səfirliyində 2 diplomat çalışır. Digər diplomatlar avqustun sonlarında Misirdəki məlum hadisələrdən sonra bu ölkədən geri çağırılmışdı.
