Türkiyənin baş naziri Rəcəb Tayyib Ərdoğan və Birləşmiş Ştatların prezidenti Barak Obama arasında telefon söhbəti olub. Modern.az türk mətbuatına istinadən xəbər verir ki, Barak Obama Qəzza hadisəsi ilə bağlı Ərdoğanla danışıb. Barak Obama həlak olanlarla əlaqədar Ərdoğana başsağlığı verib. Bir saat davam etmiş telefon danışığında Ərdoğan qanlı olayın necə baş verməsi və bu hadisənin Türkiyə üçün nə dərəcədə önəm kəsb etməsi barədə məlumat verib. İsrailin əməllərini qanunsuzlıq adlandıran Ərdoğan həlak olmuş türk vətəndaşlarının meyitlərini, yaralı vətəndaşların və sülh gəmisinin dərhal Türkiyəyə təhvil verilməsini tələb edib. Ərdoğan ayrıca olaraq Qəzzanın blokadasına son qoyulmasını tələb edib.