BMT Təhlükəsizlik Şurasının Suriyadakı vəziyyətin Beynəlxalq Cinayət Məhkəməsinə çıxarılması ilə bağlı qərarı səsverməyə təqdim etməsi ilə bərabər, ortaya çıxan yeni görüntülər, məhbuslara tətbiq olunan işgəncənin qorxunc ölçülərini bir daha gözlər önünə gətirir. Modern.az saytı xəbər verir ki, Türkiyənin Anadolu agentliyi Suriya rejiminin məhbus müxaliflərə tətbiq etdiyi sistematik işgəncəni göstərən yeni fotolar yayıb.
Dünyanı ayağa qaldıracaq işgəncə fotolarında gözləri çıxarılan gənclər, bədənində deşici və kəsici alətlərlə dərin zərbələr olan uşaq və yaşlılar, aç buraxılaraq və işgəncə edilərək öldürülən qadınlar, gözü çıxarılan, qulağı kəsilən və bədəni ikiyə ayrılan məhkumlara aid görüntülər yer alıb.
Fotoşəkillərdə işgəncə səbəbi ilə həyatını itirənlər nömrələnildirilmiş şəkildə yan-yana yatırlar.
Modern.az
