Ukrayna Ali Radasının binasında güclü partlayış baş verib. Modern.az-ın Ukrayna KİV-nə istinadən verdiyi xəbərə görə, güc strukturlarının 15-ə yaxın əməkdaşı yaralanıb. Polis əməkdaşlarına tərəf partlayıcı maddələrin atılması davam edir.
“Ali Radanı mühafizə edən hərbçilərin üstünə qumbara atılıb. Milli Qvardiyanın bir neçə hərbçisi yaralanıb. Onların həyatı təhlükədədir”, - bu haqda Ali Radanın deputatı, Ukrayna daxili işlər nazirinin müşaviri Anton Qeraşenko özünün Facebook səhifəsində yazıb.
Jurnalist Oksana Denisovanın verdiyi məlumata görə, xəsarət alanların sayı 30-a çata bilər.
Ali Rada binası qarşısına toplaşanlar Konstitusiyaya dəyişikliyə etiraz edirlər.
Modern.az