Əfqanıstanın paytaxtı Kabildə yenə partlayış törədilib. Modern.az xarici mediaya istinadən xəbər verir ki, partlayış Kabil Beynəlxalq Hava Limanı yaxınlığında törədilib.
Son sutka ərzində ikinci dəfə törədilən partlayış nəticəsində azı 30 nəfər yaralanıb.
Partlayışlara görə məsuliyyəti “Taliban” hərəkatı öz üzərinə götürüb. Terrorçular yaydıqları açıqlamada xarici vətəndaşlar da daxil olmaqla, onlarla ölən və yaralananların olduğunu israr edirlər.
Rəsmi məlumata əsasən, partlayıcı qurğu hava limanının yaxınlığında saxlanılan avtomobildə quraşdırılıb.
Modern.az