Modern.az

"Elm haqqında” qanun layihəsində elmi adlara görə əlavə ödənişlər nəzərdə tutulub – AÇIQLAMA

"Elm haqqında” qanun layihəsində elmi adlara görə əlavə ödənişlər nəzərdə tutulub – AÇIQLAMA

Parlament

12 Fevral 2016, 17:26

“Uzun müddətdir gözlənilən “Elm haqqında” qanun layihəsi yaxın vaxtlarda daha təkmilləşdirilmiş və geniş formada Milli Məclisin yaz sessiyasının plenar iclasında müzakirəyə çıxarılacaq”.

Bunu Modern.az-a parlamentin Elm və təhsil komitəsinin sədri, AMEA-nın vitse prezidenti İsa Həbibbəyli bildirib.   O qeyd edib ki, qanun layihəsində həm komitə üzvlərinin fikirləri, həm də əlaqədar icraedici orqanların rəyləri nəzərə alınıb.  

““Elm haqqında” qanun layihəsi indiki halda zamanın çağırışlarına cavab verir.

Qanun layihəsi çox təkmilləşdirilib. Birinci oxunuşda qanun layihəsi 8 fəsildə idisə, indi 7 fəsildən ibarətdir.   Birinci oxunuşda olmayan müddəalar bura daxil edilib. Elmi fəaliyətin məhdudlaşdırılmasına, ölkənin milli təhlükəsizliyinə mane olan məsələlər qanun layihəsindən çıxarılıb, alimlərin fəaliyyəti üçün inkişafa meylli müddəalar daxil olunub”.  

Deputat yeni qanun layihəsində nəzərdə tutulan elmi fəaliyyətin daşıyıcılarına elmi adlara görə təqaüdlərin verilməsi mexanizmlərindən də danışıb.

“Elmi dərəcələrə və elmi adlara görə elmi fəaliyyətin daşıyıcıların əlavə ödənişlərin verilməsi ölkə Prezidenti tərəfindən mərhələ-mərhələ həyata keçirilməkdə davam edilir. Yeni qanun layihəsində elmi dərəcələrlə yanaşı, elmi adlara görə dosent, prfoessorlarımıza əlavə ödənişlərin verilməsi həyata keçiriləcək.  

Biz elmi rəhbərliyə, opponentliyə, elmi ekspertiza fəaliyyətinə görə də alimlərin sosial müdafiəsi yönündə addımların atılmasını qanun layihəsində ifadə etməyə çalışmışıq. Ediləcək əlavələrin həcminin müəyyən edilməsi hər hansı qanun, eyni zamanda “Elm haqqında” qanun layihəsinin subyekti deyil,  müvafiq icra hakimiyyəti orqanı müəyyən edir”.  

Aytən Əliyeva


Youtube
Kanalımıza abunə olmağı unutmayın!
Keçid et
ANBAAN GÖRÜNTÜLƏR- Ukrayna rus əsgərlərini belə əsir götürdü