Oktyabrın 25-də Azərbaycan Milli Elmlər Akademiyasının (AMEA) Rəyasət Heyətinin Ümumi yığıncağı keçirilib. Toplantının keçirilməsində məqsəd Akademiyanın yeni prezidentini müəyyən etmək olub. Ümumi müzakirələrdən sonra Rəyasət Heyəti akademik İsa Həbibbəylinin namizədliyini dəstəkləyərək, onu AMEA-nın 13-cü prezidenti seçib.
Akademiyanın yeni rəhbəri bəlli olsa da, vitse-prezident postuna seçim aparılmayıb.
Modern.az-ın əməkdaşı İsa Həbibbəyli ilə əlaqə saxlayaraq, onun müavinləri, yəni vitse-prezidentlərlə bağlı suala aydınlıq gətirməyə çalışıb.
AMEA-nın yeni rəhbəri sualımıza cavabında deyib: "Yeni vitse-prezidentlərin seçilməsi məsələsi akademiyanın gündəliyində durmur".
Qeyd edək ki, yeni rəhbər seçilənə qədər - oktyabrın 25-nə kimi AMEA-ya Birinci vitse-prezident Arif Həmişov rəhbərlik edib, İsa Həbibbəyli ilə vitse-prezident postunda fəaliyyət göstərib. Ümumi yığıncaqda İsa Həbibbəyli rəhbər seçildiyindən onun əvvəlki postu faktiki olaraq boş qalıb.
Modern.az AMEA-nın rəsmi saytına istinadən rəhbər heyəti təqdim edir:
AMEA prezidenti
Həbibbəyli İsa Əkbər oğlu
Birinci vitse-prezident
Akademik Arif Məmməd oğlu Həşimov
Vitse-prezidentlər
Akademik Dilqəm Bəbir oğlu Tağıyev
Akademik İbrahim Səid oğlu Quliyev
Akademik Tofiq Murzuta oğlu Nağıyev
Akademik Nərgiz Arif qızı Paşayeva
Akademik Rasim Məhəmməd oğlu Əliquliyev
Akademik İradə Məmməd qızı Hüseynova
Akademik Gövhər Baxşəli qızı Baxşəliyeva