Fəhlə avtomobilin altında qalaraq ölüb. Bu haqda Daxili İşlər Nazirliyinin mətbuat xidmətindən Modern.az saytına verilən məlumatda bildirilib.
Hadisənin iyunun 22-də baş verdiyi qeyd edilib. Məlumata görə, Qaradağ rayonundakı Səngəçal neft terminalının ərazisində Neftçala rayon sakini Nahid Quliyev idarə etdiyi “QAZ-53” markalı avtomobili arxaya verərmək istəyib.
Bu vaxt maşın su hövzəsinə düşüb. Orada fəhlə işləyən Qazax rayon sakini Şadman Kazımov avtomobilin altında qalaraq ölüb.
Araşdırma aparılır.
Gülşən RAUFQIZI