Kürdəmir - Şirvan yolunun Hacuqabuldan keçən hissəsində ağır yol qəzası baş verib. "Mercedes" markalı sərnişin mikroavtobusu "Ford" markalı avtomobilllə toqquşub.
Hadisə ilə bağlı Səhiyyə Nazirliyindən Modern.az-a verilən ilkin məlumata görə, 19 nəfər yaralanıb: "10 nəfər Şirvan xəstəxanasına aparılıb 9 nəfər Kürdəmir Mərkəzi Rayon Xəstəxanasına yerləşdirilib".
Kürdəmir Mərkəzi Rayon Xəstəxanasından verilən məlumata görə, qəzadan sonra 6 qadın 2 kişi bir azyaşlı oğlan gətirilib: "Azyaşlı Bakıda Travmatologiya İnstituna (qolun amputasiyası), 2 kişinin isə Klinik Tibbi Mərkəzə keçirilməsi qərara alınıb".
Şirvan Mərkəzi Rayon Xəstəxanasına 4 kişi 6 qadın çatdırılıb: "Qadınların ikisində qapalı kəllə beyin travması etimal olunur. Yaralıların hamısına lazımı yardım göstərilir".
